गरिब हूँ , एकपेट खाने , म त बोक्सी हैन ।
तन्त्र मन्त्र तातो भात , फुक्न जान्या छैन ।।
तन्त्र मन्त्र तातो भात , फुक्न जान्या छैन ।।
भोको नाङ्गो देखे पछि सबले गरे हेला ।
समाजले आरोप लाउँदा , जीवन बन्यो जेल ।।
समाजले आरोप लाउँदा , जीवन बन्यो जेल ।।
मंगल ग्रह जाँदै छ नि मानिसको ताँति ।
यस्तो आरोप किन लाउछौ म अवला माथि ।।
यस्तो आरोप किन लाउछौ म अवला माथि ।।
झाँक्री बोक्सी तन्त्रमन्त्र सबै रूढी बाद हो ।
बोक्सी भन्दै अबलालाई नख्वाऊ गु र छाद भो ।।
बोक्सी भन्दै अबलालाई नख्वाऊ गु र छाद भो ।।
नगर है यस्तो पाप , यो देवस्व भूमि ।
मान्छे हुन आयौं हामी , धेरै जुनी घुमी ।।
मान्छे हुन आयौं हामी , धेरै जुनी घुमी ।।
आफ्नै चेलीबेटीलाई अक्करमा पारी ।
बोक्सी भन्दै जिउँदै आगो लगाएर मारी ।।
बोक्सी भन्दै जिउँदै आगो लगाएर मारी ।।
बोक्सी हैन मातृशक्ति हुन्छे नारी जाति ।
जन्मदिने नारीमाथि नबनौं है घाति ।।
जन्मदिने नारीमाथि नबनौं है घाति ।।
आत्मसम्मान सबको हुन्छ , खुलुन् सबका आँखा ।
नारी नै हुन् आमा भनि , गाऊँ मीठो भाका ।।
नारी नै हुन् आमा भनि , गाऊँ मीठो भाका ।।
0 comments:
Post a Comment